2010-2011: Prins Benno en Prinses Romy

Proclamatie

Ik Prins Benno den 1e, vonkenboer en zönne van Aloys en Annie Krabbenborg,
heerser van alle wasmachines, w.c.pötte, kachels en stöppekasten,
rasechten Harrevelder an de goeie kante van de grachte, ex-schutterskoning,
ooit gekozen als mooiste kearl van Harreveld en wagenbouwer van Kerkstraote 2.

Ik Prinses Romy, dochter van Zwarte Jan en Schoppen Fiene,
keienslöpper en opgegreui’jt achter de Weyerborger plas in Lechtenvoorde.
De rechter hand en as eut mot ok de linker hand van Prins Benno den 1e,
heerser van al het papierwark.
Trotse moader van Sabine en Roy, blaoser op de saxofoon.
Opvolgers van Prins Berry en Prinses Cristel,

verkloart,

Ten 1e

Wi’j bedankt Berry en Cristel veur ut afgelopen carnavalsjaor.
Jullie hebt met zien tweëen lekker staon ijsberen en hebt ut onwies goed e doane.
Onze hartelijke dank hierveur.

Alaaf

Ten 2e

Wi’j bunt bli’j dat onze burgemeester aanwezig is en hebt van het bestuur begreppen
da’j onze grootse optocht in Harreveld dit caranvalsjaor wilt bi’j wonen.
Ik zeg ow dit; een man een man een woord een woord.

Alaaf

Ten 3e

Wi’j holt dit jaor de pronkzitting nog in een klein zandbietershol en
hopt dat de gemeente subsidie zal geven, zodat wi’j volgend jaor
wear terug meugt kommen in een grote ni’je mangelkoele.

Alaaf

Ten 4e

Sinds een jaor hef KSH sport d’r ok streetdance bi’j.
De meiden van KSH streetdance stonden d’r wear strak bi’j in hun nieuwe T-shirts
en hadden volle bekieks. Het was wear een spetterend optreden dames.

Alaaf

Ten 5e

Bi’j KSH wilt ze een nieuwe sportkooi maken.
Maor laot ze aub de deuren op ut internaat goed dicht hollen,
zodat onze jeugd de sportkooi blif beholden.
Loat ut un ontmoetingsplek worden veur jonge en olde leu uut Harreveld.

Alaaf

Ten 6e

Als alles deurgeet wordt binnenkort ons dorpshart verfraait.
De pastorie hebt ze al op e knapt.
Het parkeerterrein zal wal deur vrijwilligers opgeknapt worden.
En zelfs de horeca dut d’r an met, hulde. Zo holle wi’j ons dorpshart leafboar.

Alaaf

Ten 7e

Um onze ni’je pastoor an ut wark te hollen modde wi’j natuurlijk wal huuze hebben.
Dus gemeente zorg veur een ni’je bouwlokatie op Harreveld,
dan zorgt de Harrevelders wal dat der volk bi’j kump.

Alaaf

Ten 8e

Wi’j as vaste muzikanten van St.Agatha bunt bli’j dat De Bietebloasers
elk jaor wear paraat staot um een mooie muzikale invulling an de carnaval te geven.

Alaaf

Ten 9e

De Harreveldse mölle drai’jt wear op eigen krachten.
Frans van Kronenborg löt de mölle Hermien wear stevig ronddrai’jen.
I’j kunt d’r now ok koffie kriegen met een koekje van eigen deeg en a’j neudig mot ku’j d’r ok noar de pot.

Alaaf

Ten 10e

Bi’j de gemeenteraod van Oost Gelre sloat toch echt de stöppe deur.
Ze wilt wal geld uut geven veur een paar plantjes in Lievelde,
moar neet veur veilige oaversteakplaatsen oaver de Twenteroute.
Bi’j ons stelt een mensenleaven meer veur dan een paar struukjes.

Alaaf

Ten 11e

Met de karmisse hebt de vrouwleu zich dit jaor fantastisch loaten zeen
um samen te mögen gaon met de schutteri’je…. en dat hebt ze redt.
Now wear met zien allen op 1 vogel, dan wordt ’t wear dikke pret.

Alaaf

Tot slot wille wi’j alle wagenbouwers veule succes toe wensen met het bouwen van de wagens en hopt dat de wisselbeker dit joar wear noar een andere wijk geet.

Onze carnavalsleus veur dit joar is:

Ut hele jaor goat we'j d'r veur,
maor met de carnaval vliegt de stöppe d'r deur.

Hierbi’j verkloare wi’j ’t Carnavalsjoar 2010-2011 veur geopend.